Ja bih te zamolio da postavis ovde spisak svih organizacija/udruzenja Vlaha u Makedoniji.
Kada budem video u njihovim zvanicim imenima Arman Makedon, podrzacu taj naziv.
Se nadevam ke me razberes iako ne pisuvam srpski
Vo Makedonija Arm'nite gi vikaat Vlasi
Vo Srbija gi vikaat Cincari
Srbite na Romancite vo istocna Srbija gi vikaat Vlasi???
Sta je ovo????
Kazi mi dali ti e prifatlivo Cincari?
Mene ne mi e prifatlivo Vlav .
Angliska terminologija-Aromanian ???
Sta e ovo??? Vlach???
Nie sekogas vikame Armãn
etnicki Makedoni od tamu sme ne sme od Indija Kanada ili Spanjolska .
Nie sme od Makedonia -Anticka Makedonija .
Protlu Congresu a Partiiljei a Armânjlor di tu R.Makedonie, care s-tsânu Scopia tu 25 di sumedru, anlu 2003, featse anâlizâ ti lucurlu a partiiljei tu hopa di aljei fundare pânâ dzuâ di astaz, shi u aduse aista
R e z o l u t s i e
1. Delegatslji care loarâ parte tu lucurlu a Congreslui sântu units câ dzua di fundare a partiiljei 07.04.2001, lipseashte s-hibâ sctiatâ cu ghrame di amalamâ di ispete câ PAM iaste prota organizatsie a Armânjlor fundatâ pi thimeljlu politic care are ti scupo s-li apârâ ndrepturle natsionale cu metode politiche.
2. Ligatâ cu alidzerle parlamentare care s-tsânurâ tu anlu 2002 tu R.Makedonie shi cu partitsiparea ali PAM tu nâse, Congreslu constâtâ câ:
- shi piningâ marle entuziazmu ti partitsipare la alidzerle, PAM nu putu s-agiungâ pânâ di rezultate care li ashtipta, a atsea iaste s-poatâ tu Parlamentul ali R.Makedonie s-arucâ un delegatu care va-s li apârâ interesile a Armânjlor.
- sistemlu di alidzeare cum shi nivrearea a ma mârlor partiur s-u aprochiu PAM tu coalitsie adusirâ pân di atsea partia tu protseslu di alidzer ta sâ-s aflâ mardzinalizatâ.
- tu atsea situatsie PAM nu avea alta alternatsie dicât s-intrâ tu coalitsie cu grupatsia di partiur a minoritâtslor GAM.
- s-nu agârshim câ cu fundarea ali unâi nao partie armâneascâ “marionetâ, ti unâ ufilisire”, care di partnerlu coalitsial care li amintâ alidzerle nu câftâ apsolut tsiva câ: “Armânjlji li au tute”, iaste mâhânâlu capital care u giucâ rolja di sâbotaje PAM s-nu intrâ tu Parlamentul ali R.Makedonie, shi di tute minoritâts mash Armânjlji s-armânâ fârâ di deputatu.
- factu iaste ca cu aistu modelu di alidzer, Armânjlji nitsi tu alte alidzer nu va-s poatâ s-arucâ alor reprezentu tu Parlamentul ali R.Makedonie. Evidentâ iaste ca a partiilor a ma mârlor etniur nu lâ iaste tu sinfer tu Parlamentul ali R.Makedonie s-intrâ reprezentu a Armânjlor, ti atsea, aistu problemu ta sâ-s nâstreacâ minduirea a Congreslu iaste PAM s-caftâ modus cum pi printsipu di automatizmu va-s poatâ s-intrâ Armânj tu Parlamentul ali R.Makedonie shi putearea Parlamentul ali R.Makedonie ta sâ-s transformeadzâ tu Adunare di dao corpusur.
3. Delegatslji care loarâ parte tu lucurlu a Congreslui ali PAM, discutarâ shi ti situatsia cu care s-andumuseashte educatsia pi limba armâneascâ tu R.Makedonie shi constatara câ:
- educatsia facultativâ pi armâneashte iaste tu unâ stagnare totalâ.
- agiutorlu di partea a Ministeriatlu ti educatsie nu mash tsi iaste minimal ma di nâs nu avem nitsi achichisire ti rezolvare a aishtui problemu.
- s-putem s-avem un sistemu ti educatsie pi armâneashte ashi cum sântu normile di pedagoghie, Ministeriatlu ti educatsie lipseashte s-da agiutor shi s-lu rezolveadzâ problemlu cu educare dascalj care va-s-u tsânâ educatsia pi armâneashte, s-da agiutor ti scriare shi tiparire cârtsâ care sântu lipsite ti sculiarlji, s-da agiutor ti adrare unâ nao programâ ti educatsie pi armâneashte tu sculiyle di tu R.Makedonie.
- vine chirolu cându lipseashte s-lom misure, educatsia facultativâ s-u transformâm tu educatsie standardâ, obligâtoarâ, ti atsea iaste lipsitâ di la Ministeriatlu ti educatsie s-câftâm s-li facâ tute ndridzer ti un ahtari sistemu di educatsie a fumeljlor care vor s-anveatsâ pi limba pârinteascâ.
- s-putem aiste lucre s-li bitisim, iaste lipsitâ, di la Ministeriatile ti educatsie shi culturâ s-caftâm s-bagâ pi lucru Armânj care va-s hibâ obligats s-li realizeadzâ anoastrile ihtizâi tu partea di cultura, educatsia shi shtintsa care sântu regulate sh-cu Constitutsia shi Nomlu ali R.Makedonie.
4. Congreslu ali PAM iaste pi minduire câ lipseashte cât camâ aghonja s-rezolveadzâ shi problemlu sh-cu anoastrile bisearits yu liturghia lipseashte ta sâ-s tsânâ pi armâneashte. Ti atsea lipseashte diunoarâ ta sâ-s facâ contacte cu organile a bisearicâljei di tu Makedonie.
5. La Congreslu fu sustsânutâ minduirea câ fârâ di altâ lipseashte ta sâ-s lucreadzâ pi: “Programa ali PAM ti apârare a idetnitatea natsionalâ a Armân Makedonjlor
6. Delegatslji a Congreslui constatarâ câ:
- organile a partiiljei spun njicâ activitate sh-ti atsea PAM tu aljeilu lucru nu-are ahtâr rezultate cum ashaptâ membrilj a partiiljei shi armânamea.
- s-constateadzâ câ pit ma multile organizatsie comunale, nu-are nitsi idee, nitsi
entuziazmu ti lucru.
- ti atsea: organizatsiile comunale piningâ realizarea a câftârlor care li da comitetlu republican, lipseashte individual, tu lârdzimea a programâljei ali PAM, s-acatsâ pân di lucru tu adrare shi realizare a proecte care sântu di sinfer a Armânjlor.
7. Cu scupo PAM s-amintâ ma mare afirmatsie shi s-easâ di tu letarghia tu care tora s-aflâ, lipsitâ iaste s-caftâ shi s-aibâ contacte permanente cum cu organile a statlui, ashi sh-cu alantile asotsiatsiur shi partiy politits. Spetsial, obligâtoar s-hibâ, reprezentsâlj a partiiljei s-aibâ contacte intezive cu presa, cum shi contacte directe cum cu armânamea ashi sh-cu alantsâlj bânâtorr ali R.Makedonie, shi institutsiile di tu xeane, cum tu statile xeane ashitse shi cu alorle birour care s-aflâ n-stat.
8. Agiumse chirolu tu care PAM lipseashte s-minduiascâ ti editare vârnu biltenu, icâ vârnâ altâ turlie di presâ, tu care va-s poatâ s-li prezenteadzâ aljeile: lucru, probleme shi rezultate.
9. Di itia câ PAM nu-are nitsi contacte minimale cu emisia pi limba armâneascâ la MRTV, PAM lipseashte s-li lja tute misure aista emisie pi armâneashte s-transformeadzâ, cum cu programa, ashi sh-cu aljeilu lucru, shi s-hibâ transparentâ ti tuts atselj care cu alorlu lucru shi creatsie vor shi pot s-lja parte tu nâsâ.
Emisia di la MRTV pi limba armâneascâ lipseashte s-hibâ apânghisitâ di influentsa negativâ, di tsenzura shi autotsenzura a dzuarishtilor.
10. Congreslu constâtâ câ situatsia finansialâ ali PAM iaste multu slabâ. Nâstritsearea a aishtei situatsie s-veade tu puterle dit nuntru ca cum iaste adunarea a mebrurâljei cum shi câftare agiutor tu donatsie.
11. Aista Rezolutsie, diunoarâ, dupu tsi bitiseashte Congreslu cu lucru, s-hibâ prezentatâ la organile ofitsiale ali R.Makedonie (guvernul, parlamentul, ... shi alte) cum shi la organizatsiile internatsionale ti apârare a ndrepturlor a omlui.
Scopia, 25 di sumedru, anlu 2003.
Protlu Congres a Partiiljei a Armânjlor
di tu Makedonie